"İdeal olmaq mümkün deyil" - Qvardiola
20.04.2019
"İdeal olmaq mümkün deyil, ancaq buna cəhd etməlisən. Əgər səhvləri düzəltməsən, özünü yenidən göstərəcək".
Bu sözləri "Mançester Siti"nin baş məşqçisi Pep Qvardiola klubun rəsmi saytına açıqlamasında deyib.
İspaniyalı mütəxəssis Çempionlar Liqasında mübarizəni dayandırdıqdan sonra diqqətlərini Premyer Liqaya yönəltdiklərini bildirib: "Hələ Çempionlar Liqasının oyunlarından əvvəl bildirmişdim ki, biz inanılmaz şeylər etmişik. Komandamda fəxr edirəm.
Mən ancaq qarşıdakı oyun barədə düşnürəm. Çempionluq uğrunda mübarizə aparmağımız yaxşıdır. Əvvəl "Tottenhem"lə, sonda isə "Mançester Yunayted"lə görüş barədə düşünməliyik".
Qeyd edək ki, "Mançester Siti" bu gün evdə "Tottenhem"i qəbul edəcək. Görüş Bakı vaxtı ilə saat 15:30-da başlayacaq.
Xatırladaq ki, "şəhərlilər"i ÇL-dən məhz "Tottenhem" kənarlaşdırıb.
