Tokio-2020-nin məşəli azarkeşsiz yandırıldı - VİDEO
12.03.2020
Tokio-2020 Yay Olimpiya Oyunları üçün olimpiya məşəli yandırılıb. Mərasim uzun illərdən bəri ilk dəfə azarkeşsiz baş tutub.
Bu barədə TASS xəbər yayıb. Bildirilir ki, tədbirə Yunanıstan Prezidenti Prokopis Pavlopulos, Beynəlxalq Olimpiya Komitəsinin Prezidenti Tomas Bax və digər rəsmi şəxslər qatılıb.
Məşəl uzun əsrlər əvvəl Qədim Olimpiya Məbədində edildiyi kimi günəş şüalarının əks olunduğu güzgünün köməyi ilə yandırılıb.
3200 km məsafə qət edəcək məşəl səkkiz gün ərzində Egey dənizinin sahilindəki Saloniki də daxil olmaqla, Yunanıstanın 32 şəhərindən keçəcək.
