Bill Qeyts seriala çəkilir
21.02.2018
Microsoft-ın qurucularından biri olan milyarder Bill Qeyts "Böyük partlayış teoriyası" serialında oynayacaq.
"Dövran Media"nın məlumatına görə, milyarder serialda ulduz qonaq kimi iştirak edəcək. Onun çəkildiyi epizodun premyerası mart ayında keçiriləcək.
Bill Qeyts ilk dəfə deyil ki, filmə çəkilir. O, ilk təcrübəsini hələ 2001-ci ildə çəkdiyi filmdə qazanıb.
"Böyük partlayış teoriyası" serialına gəlincə, bu serial CBS kanalında 11-ci mövsümdür ki, davam edir. Serialda Stefen Hokinq də daxil olmaqla dəfələrlə elm və biznes sahəsinin ulduzları çəkilib./aznews/
