Reynaldo “Qarabağ”a qayıdır? - AÇIQLAMA
11.12.2018
"Qarabağ” sabiq futbolçusu Reynaldonu qaytara bilər.
"Dövran Media” xəbər verir ki, son mövsümü Qazaxıstanda "Aktobe” klubunda keçirən futbolçunun yaxın günlərdə Bakıya gələcəyi deyilir.
Baş məşqçi Qurban Qurbanov Ağdam klubunun uğurlu futbolçularından olan braziliyalını sərəncamında görmək niyyətindədir.
Klubun mətbuat xidmətinin rəhbəri Nurlan İbrahimov "Qafqazinfo”ya açıqlamasında hələ konkret bir şeyin olmadığını bildirib: "Bir çox futbolçu ilə danışıqlar gedə bilər. Amma ortada konkretləşən bir şey yoxdur. Deyildiyi kimi Reynaldo Bakıya dəvət edilməyib. Hələlik komanda Londona yollanır. Oyunumuz var. Bundan sonra isə məsələyə aydınlıq gələ bilər”.
