Messi üçlükdə yer almadı
04.12.2018
"France Football" jurnalı tərəfindən 2018-ci ilin ən yaxşı futbolçusuna veriləcək "Qızıl top" mükafatının tədbiri keçirilib.
"Dövran Media" xəbər verir ki, mükafatın təqdimatı Fransanın paytaxtı Parisdə keçirilib. "Qızıl topu" 5 dəfə qazanan "Barselona" və Argentina millisinin hücumçusu Lionel Messi bu dəfə buna nail olmayıb. 31 yaşlı futbolçu hətta ilk üçlüyə də düşə bilməyib. Messi 2007-ci ildən sonra "Qızıl top" mükafatında ilk üçlüyə düşə bilməyib.
Messi 2007-ci ildə 3-cü, 2008, 2013, 2014, 2016 və 2017-ci illərdə 2-ci olub, 2009, 2010, 2011, 2012 və 2015-ci illərdə mükafata sahib çıxıb.
