Yeni baş məşqçi klubunu səhv saldı
14.11.2018
"Selta"nın yeni baş məşqçisi klubunu əzəli rəqibi ilə səhv salıb.
"Dövran Media" xəbər verir ki, ötən gün mətbuat konfransı keçirilərkən Viqo təmsilçisinin yeni baş məşqçisi Miqel Kardoza klubunu "Deportivo" ilə səhv salıb.
"Mənə göstərdikləri etibara görə klubun prezidentinə və idman direktoruna təşəkkürü bildirirəm. Biz "Deportivo"ya yeni təcrübə üçün gəlmişik. Daha doğrusu "Selta"ya", - deyib Kardoza.
Xatırladaq ki, "Deportivo" "Selta"nın əzəli rəqibidir. La Korunya və Viqo Qalisiyada yerləşirlər.
