“Qarabağ” Avroliqada növbəti oyununa çıxır
25.10.2018
Bu gün futbol üzrə Avropa Liqasının qrup mərhələsinin üçüncü turunun oyunları keçiriləcək.
"Dövran Media"nın xəbərinə görə, "E” qrupunda yer alan Azərbaycan çempionu "Qarabağ” doğma meydanda Ukraynanın "Vorskla” komandası ilə qarşılaşacaq.
Bakı Olimpiya Stadionunda keçiriləcək qarşılaşmanın start fiti saat 20:55-də səslənəcək.
Bu qrupun digər oyununda İngiltərənin "Arsenal” komandası Portuqaliyanın "Sportinq” klubu ilə üz-üzə gələcək.
Qeyd edək ki, "Qarabağ” və "Vorskla” ilk iki turda məğlub olublar.
