Bakı Ağır Cinayətlər Məhkəməsində paytaxtda oğurluqda təqsirləndirilən Gülnar İsmayılovanın cinayət işi üzrə məhkəmə prosesi başa çatıb.
Hakim Əhməd Quliyevin sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə G.İsmayılovaya şərti cəza verilib.
İttihama görə, hadisə 2019-cu ilin sentyabr ayından 12 mart 2020-ci il tarixədək olan müddət ərzində paytaxtın Yasamal rayonu ərazisində qeydə alınıb.
G.İsmayılova Bakıda liseylərin birində direktor vəzifəsində çalışan Sevinc Orucovanın evindən ümumilikdə 57 800 manatlıq oğurluq edib.
Daha sonra zərərçəkmiş hadisə ilə bağlı Yasamal Rayon Polis İdarəsinə şikayət edib.
Faktla bağlı Cinayət Məcəlləsinin 177.3.2-ci (Oğurluq, külli miqdarda ziyan vurmaqla törədildikdə) maddəsi ilə cinayət işi başlanılıb.
G.İsmayılova şübhəli şəxs qismində saxlanılıb.
G.İsmayılova S.Orucovanın uşağının dayəsi olub.
