Kilosu 500 dollara KARTOF
03.08.2018
Kartof həmişə "ikinci çörək” adlandırılıb.
Çunki bu ənənəvi məhsul bizim üçün həmişə əlçatan olub. Ancaq çox az adam bilir ki, elə kartof da var ki, onu yalnız imkanlılar ala bilər. Bu La Bonnottedir. Onu Fransanın Atlantik okeanında yerləşən Nurmuatye adasında yetışdirirlər. Bu kartofun bir kiloqramının qiyməti 500 dollardan yuxarıdır, hətta 700 dollara çatır. Onu xüsusi üsulla yetişdirirlər. Heç bir texnikadan istifadə olunmur. Çox zərif və tez əzilən olduğundan ancaq əl üsulu ilə becərilib yığılır. Kartof kollarının diblərini isə dəniz yosunları ilə gübrələyirlər. İldə yalnız 100 tona yaxın məhsul verən bu kartof növünün tərkibi çox zəngin və faydalıdır. Bu səbəbdən də dünyanın ən bahalı yeməkləri sırasındadır.