İnstaqram və Feysbukdan - YENİLİK
02.08.2018
İnstaqram və Feysbuk sosial şəbəkələri istifadəçilərinə yeni funksiya təqdim eləməyə hazırlaşır.
"Dövran Media" xəbər verir ki, bu barədə İnstaqram və Feysbukun rəsmi nümayəndələri Amit Ranadiv və Devid Qinzberq birgə bəyanat yayıblar.
Bəyanatda bildirilir ki, istifadəçilərin sözügedən sosial şəbəkələrdə keçirdikləri zamana nəzarət edə bilmələri üçün hər istifadəçi qabaqcadan keçirmək istədiyi vaxtı təyin edəcək, limiti keçdikdə isə bildiriş alacaq.
Bunun üçün "Tənzimləmələr” bölməsində İnstaqramda "fəaliyyətiniz”, Feysbukda isə "Sizin Feysbukda vaxtınız” funksiyasını aktivləşdirmək lazım gələcək. Bundan sonra istifadəçilər gün ərzində sosial şəbəkədə nə qədər vaxt keçirdiyini öyrənə biləcəklər.
