Meksikanın Duranqo ştatı yaxınlığında "Aeromexiko” aviaşirkətinə məxsus sərnişin təyyarəsi qəzaya uğrayıb.
"Dövran Media" xəbər verir ki, "Embraer-190” tipli təyyarədə 97 sərnişin və 4 heyət üzvü olub. Təyyarədə olanlardan 47 nəfər xəsarət alıb, ölən yoxdur.
Duranqo ştatının qubernatoru Xose Rosasa Aispuro bildirib ki, təyyarənin qəzaya uğramasına güclü külək səbəb olub.
Xatırladaq ki, təyyarənin qəzaya uğrama anı göyərtədə olan sərnişinlərdən biri tərəfindən videolentə alınıb.