"Roskosmos” portuqaliyalı futbolçu Kriştianu Ronaldo ilə bağlı maraqlı videoçarx təqdim edib.
"Dövran Media" xəbər verir ki, video təşkilatın rəsmi saytında dərc olunub.
Videomontaj edilən videoçarxda Ronaldonun qapıdan yuxarı vurduğu topu Beynəlxalq Kosmik Stansiyanın (BKS) kosmonavtı qəbul edir.
Müəlliflər Mərakeş- Portuqaliya (DÇ-2018) matçının kadrlarını BKS kosmonavtının çəkisizlik şəraitində topla oynadığını rəsmi görüntü ilə peşəkarcasına birləşdirib.
Qeyd edək ki, iyunun 20-də keçirilən həmin matçda Portuqaliya millisi Ronaldonun vurduğu yeganə qolla qalib gəlib.