ABŞ koalisiyası bir hərbçisinin ölümü haqqında məlumat yayıb
09.01.2018
"İslam Dövləti" terror qrupu ilə mübarizə aparan ABŞ-ın rəhbərlik etdiyi beynəlxalq koalisiya bazar ertəsi öz hərbi qulluqçusunun ölümü bildirib.
RİA Novosti-nin yaydığı məlumatda yanvar 8-daə koalisiya əsgərinin hərbi əməliyyatlarla əlaqəli olmayan bir hadisə nəticəsində öldürüldüyü açıqlanır.
Məlumatda həmçinin qeyd olunur ki, "hərbi qulluqçunun adı və onun ölüm halları yalnız sözügedən ölkənin səlahiyyətli orqanlarının tələbi ilə açıqlana bilər".
Hadisə ilə bağlı istintaq aparılır.
ABŞ-ın rəhbərlik etdiyi koalisiya Suriyada yerli hökuməti icazəsi olmadan "İD" əleyhinə 2014-cü ildən hərbi əməliyyatlar keçirir.
