Polisin xüsusi təyinatlı qüvvələri Gürcüstan parlamentinin qarşısında keçirilən etiraz aksiyasını dağıdıb.
"Sputnik” bildirir ki, polis əməkdaşları mitinq iştirakçılarının həbsinə başlayıb.
Aksiya iştirakçılarına qarşı iki dəfə gözyaşardıcı qaz tətbiq olunub. Etirazçılara qarşı rezin güllələrdən də istifadə edildiyi barədə məlumatlar yayılıb.
Parlamentin binası qarşısında yaranan qarşıdurma zamanı 70-ə yaxın insan xəsarət alıb. Onlardan 30 nəfərinın etirazçı, 39 nəfərinın polis əməkdaşı olduğu bildirilir.
