DÇ-da Cüneyt Çakırın qazanacağı ŞOK RƏQƏM
06.04.2018
"Dövran Media" xarici mətbuata istinadən xəbər verir ki, Dünya Çempionatında Türkiyəni təmsil edəcək Cüneyt Çakırın qazanaçağı pul haqda fransız mətbuatında məlumat dərc edilib. Cüneyt Çakır və onun kimi 1-ci kateqoriyaya aid hakimlər yarışa qatıldıqları üçün 57.500 evro pul alacaqlar. Bu da Türkiyə lirəsi ilə 285 min TL deməkdir. Ayrıca hər maç idarəçiliyinə görə isə 1-ci kateqoriyalı hakimlər 2500 evro (yəni 12 min 500 TL) qazanacaq. Yan hakimlərin isə çempionata qatılma haqları 20 min evro, (100 min TL), oyun başı isə ayrıca 1600 evro (8 min TL)nəzərdə tutulub.
Xatırladaq ki, futbol üzrə Dünya Çempionatı 2018-ci il 14 iyun və 15 iyul tarixləri arasında Rusiyada keçiriləcək.
