Qərargah rəisi: Bu zərbə zəif olacaq
06.06.2019
Avtomatik idarəetmə kompleksinin "Perimetr” (Qərbdə "Dead Hand” – "Ölü əl” kimi tanınır) cavab nüvə zərbəsi ilə tətbiqi zəifləyəcək.
RİA Novosti xəbər verir ki, bunu Rusiya strateji raket qoşunlarının sabiq Baş qərargah rəisi Viktor Yesin deyib.
Onun sözlərinə görə, sistem əsas vəzifəsini – fövqəladə şəraitdə təcavüzkara cavab nüvə zərbəsinin endirilməsi funksiyasını yerinə yetirə bilər. Lakin bu zərbə zəif olacaq, çünki təcavüzkar preventiv zərbə ilə Rusiyanın strateji nüvə silahlarının bir çoxunu məhv edəcək.
Yesin bildirib ki, hazırda sistem modernləşdirilib, işlək və effektivdir.
Qeyd edək ki, sözügedən sistem hələ SSRİ dövründə ərsəyə gətirilib.
