Tutu bu cür yemək ziyanlıdır - XƏBƏRDARLIQ
30.05.2019
Tut mövsümü gəldi. Yenə uşaqlar küçədə toz-torpağın içindən tut yeyirlər. Dəfələrlə demişik və yenə təkrar edirəm ki, ziyanlıdır.
Bu barədə pediatr Vaqif Qarayev məlumat paylaşıb. O bildirib ki, təmizlənməmiş, natəmiz halda yeyilmiş tut xüsusilə uşaqlarda mədə-bağırsaq pozğunluğu yaradır:
"Tut uşaqlar üçün olduqca faydalıdır, yemələri məsləhətdir. Ancaq şəhərdə, ağacdan yerə tökülmüş, çirkabın içində olan tutun uşağa heç bir faydası yoxdur, əksinə, ziyandır”.
Həkimin bu məsləhətinə etirazını bildirən kənd sakinlərinə isə V.Qarayev bildirib ki, bu məhdudiyyət ancaq şəhər üçün keçərlidir:
"Kənddə ağacdan yerə tökülən meyvə ilə şəhərdəkini müqayisə etməyin”.
