“WikiLeaks”ın qurucusunun vəziyyəti ağırdır
30.05.2019
Böyük Britaniyanın "Belmarş" həbsxanasında olan "WikiLeaks" portalının qurucusu Julian Assanj səhhətinin pisləşməsi ilə əlaqədar tibbi şöbəyə köçürülüb.
Bu barədə saytın tvitter mikrobloqundakı hesabında məlumat verilib.
Qeyd olunur ki, jurnalist son 7 gün ərzində xeyli çəki itirib və "WikiLeaks" onun sağlamlığından son dərəcə narahatdır.
Eyni zamanda, təşkilat İsveç məhkəməsinin Assanjın məhkəmə prosesinin 30 maydan 3 iyuna keçirilməsi ilə bağlı müraciətinə müsbət cavab vermədiyinə görə bu addımı qınayıb.
Bu gün London Vestminster Məhkəməsində Assanjın ekstradisiyası ilə bağlı dinləmələr planlaşdırılır.
Xatırladaq ki, J. Assanj aprelin 11-də Ekvadorun Londondakı səfirliyində saxlanılıb. O, 2010-cu ildə İsveçdə iki qadına qarşı cinsi zorakılıqda ittiham edilir.
London məhkəməsi jurnalist şərti azadlığa çıxma maddəsini pozduğu üçün onu 50 həftə müddətinə azadlıqdan məhrum edilib.
