Bakı arzularımızın şəhəridir - "Çelsi" azarkeşi
30.05.2019
"Çelsi”yə azarkeşlik edirdim, komandam arzuladığım kimi gözəl oyun nümayiş etdirdi. Bakı arzularımızın şəhəridir.
Bu fikri Bakıda keçirilən UEFA Avropa Liqasının final oyunu ilə bağlı Azərtac-a müsahibəsində rusiyalı azarkeş Andrey Koşelyov deyib. O bildirib ki, final oyununu məhz Bakıda izlədiyi üçün məmnundur: "Hər hansı bir problemin, insidentin olmaması tədbirin yüksək səviyyədə təşkil olunduğunu aydın nümayiş etdirdi. Final oyununu məhz Bakıda izlədiyim üçün məmnunam. Bakıda bir neçə gün qalıb istirahət etmək istəyirəm. Burada qiymətlər ucuzdur və xidmət yüksək səviyyədədir”.
