Avroviziyada bayrağımıza hörmətsizlik
17.05.2019
İsrailin paytaxtı Təl-Əvivdə keçirilən Avroviziya-2019 mahnı müsabiqəsində insident baş verib.
Yarımfinaldan sonra Azərbaycan nümayəndə heyətinin təşkil etdiyi mətbuat konfransında ölkəmizin adının qeyd olunduğu lövhəyə bayrağımız tərs vurulub. Bu da sosial şəbəkələrdə ciddi etirazlara səbəb olub.
Zəruri qeyd etmək lazımdır ki, Avroviziya mahnı müsabiqələrində keçirilən mətbuat konfransları iştirakçı ölkənin nümayəndə heyəti tərəfindən təşkil olunur. Ölkənin adını bildirən lövhə, bayraq və s. nümayəndə heyətinin üzərinə düşür. Yəni bu tip məsələlər yarışmanı keçirən ölkəyə aid deyil. Sözügedən faktda bayrağımızın tərs vurulmasına görə məsuliyyəti Avroviziya komandamız daşıyır.
Qeyd edək ki, Azərbaycanı yarışda Çingiz Mustafayev "Truth" mahnısı ilə təmsil edir. O, finala vəsiqə qazanıb.
