Ukraynada əsgərlər zəhərləndilər - səbəbi
03.05.2019
Ukraynanın Hərbi Prokurorluğu Lvovda yerləşən hərbi hissələrdən birində Milli Qvardiya əməkdaşlarının kütləvi zəhərlənməsi faktı üzrə cinayət işi qaldırıb.
Qeyd edilir ki, ilk zərərçəkənlər Pasxa bayramının qeyd edilməsindən dərhal sonra xəstəxanalara müraciət ediblər. Hazırda Milli Qvardiyanın 57 hərbi qulluqçusu xəstəxanaya yerləşdirilib.
Həkimlər zəhərlənmənin səbəbini hələ müəyyənləşdirə bilməyiblər. Ehtimal edilir ki, əməkdaşlar keyfiyyətsiz qida məhsullarından, o cümlədən qohumların qvardiya qulluqçularına Pasxanın bayram edilməsi ilə əlaqədar gətirdikləri yeməklərdən zəhərləniblər.
