Kəndi su basdı - Qusarda
01.04.2019
Qusar rayonunda Cağar-Cibir su borusu partlayıb.
Hadisə bu gün günorta saatlarında baş verib. Kanalın Çiləgir kəndi ərazisindən keçən hissəsində borunun partlaması nəticəsində Çiləgir kəndini su basıb. Kanala suyun verilişi dayandırılıb və təmir işlərinin aparılması üçün hazırlıq prosesinə başlanılıb.
Qusar suvarma sistemləri idarəsindən verilən məlumata görə, qısa müddətdə təmir işlərinə başlanılacaq.
Qusar rayon İcra Hakimiyyətindən bildirilib ki, suyun kəndə axması nəticəsində kənd sakinlərinə ziyan dəyməyib.
