Bu türk ölkəsinin də paytaxtının adı dəyişdirilə bilər
23.03.2019
Qırğızıstan Prezident Aparatının eks-rəhbəri Emilbəy Kaptaqayev Bişkekin adının dəyişdirilərək Manas adlandırılmasını təklif edib.
"Dövran Media" xəbər verir ki, Kaptaqayev bu fikirlərini öz Feysbuk səhifəsində yerləşdirib. O həmçinin Bişkek adının paytaxtın rayonlarından birinə verilməsi gərəkdiyini deyib. Kaptaqayev bu adın xüsusilə paytaxtın Sverdlovsk rayonuna verilməsini istəyib.
Qeyd edək ki, bundan öncə Qazaxıstan paytaxtının adı dəyişdirilərək, Astana yerinə Nur-Sultan adlandırılıb.
