Maykl Ceksonun ətrafında qalmaqal bitmir
04.03.2019
Mərhum ulduz Maykl Ceksonun mahnılarına "BBC Radio 2" qadağa qoyub.
"Dövran Media"axşam.az-a istinadən bildirir ki, Ceksona həsr edilən "Leaving Neverland" sənədli filminin premyerası ərəfəsində mərhum ətrafında qalmaqal bitmək bilmir.
İngilis mediası radionun bir həftə əvvəl belə bir qərar verdiyini yazıb. Filmin qəhrəmanlarından biri Uend Robson BBC-yə müsahibə verib.
Fevralın 21-də "Leaving Neverland"ın tanıtım çarxı yayımlandıqdan sonra prəstişkarları Uendi tənqid edib. 4 saatlıq sənədli filmin əsas qəhrəmanı olan Robson Ceksonun ona təcavüz etdiyini açıqlamışdı. Həmin kadrlar martın ilk günləri təqdim ediləcək.
Mayklın ailəsi "HBO"nu məhkəməyə verib. 1992-ci ildə qəbul edilən qərara əsasən heç kim pop-kralın şərəf və ləyaqətini təhqir edə bilməz. Onlar sənədli filmin yalanla dolu olduğunu iddia ediblər.
