Türk ordusu bu ölkəyə də girir: İLK HƏDƏF
13.03.2018
Türkiyə ordusunun İraqda PKK-ya qarşı həyata keçirəcəyi əməliyyatların detalları məlum olub.
"Dövran Media" xəbər verir ki, "Star” qəzetinin araşdırmasına görə, Türkiyə İraqda mayın 12-də baş tutması gözlənilən parlament seçkilərindən sonra hərəkətə keçəcək. Əməliyyat zamanı Türkiyə havadan, İraq ordusu isə qurudan terrorçu hədəflərini vuracaq.
İlk mərhələdə PKK üçün mühüm əhəmiyyət daşıyan Sincar bölgəsinə zərbə endiriləcək. Daha sonra isə Kandil əməliyyatı başlayacaq. Bu əməliyyatda Türkiyənin pilotsuz uçan aparatları vasitəsilə PKK hədəflərini darmadağın edəcəyi bildirilib.
Qeyd edək ki, Türkiyə Xarici İşlər naziri Mövlud Çavuşoğlu Afrin hərəkatından sonra İraqda da PKK-ya qarşı əməliyyata başlayacaqlarını açıqlamışdı.
