Davudoğlu yeni partiya yaradır?
25.02.2019
Türkiyədə yeni partiya yaradılması ilə bağlı iddialar gündəmə çevrilib.
Türkiyə mətbuatı yeni yaradılacaq partiyanın liderlərinin eks-prezident Abdullah Gül və sabiq baş nazir Əhməd Davudoğlu olacağını yazıb.
Oda TV nəşri məsələ ilə bağlı maraqlı bir məqama diqqət çəkib:
"İctimaiyyətdə bu məsələnin müzakirə edildiyi bir vaxtda diqqətçəkən bir təşəbbüs baş verib. İnternetdə "Yenibirparti.org” adlı sayt fəaliyyətə başlayıb”, - nəşr yazıb.
Saytın məlumat hissəsində partiyanın siyasətinin və siyasi vədlərinin partiya heyətinin kölgəsində qalmaması üçün qurucuların və partiyanın adının daha münasib bir vaxtda açıqlanacağı qeyd olunub.
