Bu ölkə Kosmik Qüvvələrin inkişafına 12 milyard xərcləyəcək
26.01.2019
2019-cu ildə ABŞ Kosmik Qüvvələrin inkişafına 12 milyard dollar ayıracaq.
"Dövran Media" xəbər verir ki, bunu jurnalistlərə açıqlamasında ABŞ Hərbi Hava Qüvvələr naziri Xezer Uilson deyib.
Onun sözlərinə görə, ayrılan vəsaitin 5 milyard dolları kosmik proqramın hazırlanmasına, qalan hissəsi isə ABŞ-ın kosmosda təhlükəsizliklə bağlı yaranmış boşluğun ortadan qaldırılmasına xərclənəcək. Uilson bildirib ki, ABŞ müharibə yaranacağı halda kosmosda üstünlüyünü təmin etmək üçün bu addımı atıb. O, ABŞ Kosmik Qüvvələrinin hələ də dünyanın ən yaxşısı olduğunu deyib.
