Xameneidən ABŞ liderlərinə sərt sözlər: Axmaqlar!
09.01.2019
ABŞ-ın dövlət aparatının bəzi nümayəndələri özlərini bir nömrəli axmaqlar kimi aparırlar.
"Dövran Media" xəbər verir ki, bu sözləri öz Tvitter səhifəsində İranın Ali Dini lideri Əli Xamenei paylaşıb.
"ABŞ rəhbərliyinin bəzi nümayəndələri dəli olmaları ilə bağlı görüntü yaradırlar. Mən bununla razı deyiləm. Onlar bir nömrəli axmaqlardır. ABŞ liderlərinin bəyanatları məntiqə ziddir”, - o bildirib.
Xamenei ABŞ məmurlarının bəyanatlarını "klounada” adlandırıb:
"ABŞ dövlət aparatının nümayəndələri deyirlər ki, İran Səudiyyə Ərəbistanından insan haqlarına əməl etməyi öyrənməlidir. Bu insanları təlxəkdən başqa nə adlandırmaq olar? Onların nə təhdidləri, nə vədləri, nə də qeydləri diqqət və etibara layiqdir”.
