Türkiyənin xüsusi təyinatlı polisləri Afrinə girdi - VİDEO
26.02.2018
Türkiyənin jandarma və polis xüsusi təyinatlı dəstələri Afrinə daxil olub.
"Dövran Media" xəbər verir ki, xüsusi təyinatlı dəstələr Afrinə Kilisin Gülbaba və Hatayın Hassa sərhəd məntəqələrindən girib.
Məlumata görə, ilk dəfədir Afrinə göndərilən jandarma və polis xüsusi təyinatlı dəstələri ilkin mərhələdə azad edilmiş ərazilərdə təhlükəsizliyə nəzarət edəcək və qəfil hücum olmasının qarşısını alacaq. Sonrakı mərhələdə isə Afrinin mərkəzində məskunlaşma ərazilərində gedən və mülki vətəndaşların təhlükəsizliyi baxımından həssaslıq tələb edən döyüşlərdə iştirak edəcəklər.
Qeyd edək ki, Türkiyədə jandarma və polis xüsusi təyinatlıları TSQ Baş Qərargahının sərəncamına verilmişdi.
