Məsut Özil sağaldı - “Qarabağ”a qarşı oynayacaq?
10.12.2018
Avropa Liqasının qrup mərhələsinin son turunda "Qarabağ"la qarşılaşacaq "Arsenal" oyunun hazırlıqlarına başlayıb.
"Dövran Media" xəbər verir ki, London klubunun zədəli yarımmüdafiəçisi Məsut Özil də artıq sıraya qoşulub.
Son dəfə bir ay əvvəl - noyabrın 11-də "Vulverhempton"la matçda meydana çıxan almaniyalı futbolçu dörd oyunu buraxıb. Türk əsilli futbolçu dünəndən komanda ilə birgə məşqlərə başlayıb. Onun "Qarabağ"la oyunda iştirak edib-etməyəcəyi fiziki hazırlıq üzrə məşqçinin rəyindən asılıdır.
Qeyd edək ki, "Arsenal" - "Qarabağ" oyunu dekabrın 13-də Londondakı "Emireyts" stadionunda keçiriləcək.
