"Zeytun budağı" toplantısında diqqət çəkən SLOQAN
19.02.2018
Türkiyə Silahlı Qüvvələrinin Baş Qərargah rəisi Hulusi Akar, Quru Qoşunları komandanı Yaşar Gülər və Hərbi Hava Qüvvələri komandanı Hasan Küçükakyüz Kilis və Hatay bölgələrində yerləşən Afrin əməliyyatı qərargahlarında yoxlama aparıb.
"Dövran Media" xəbər verir ki, yüksək rütbəli zabitlərlə görüşən generallar əməliyyatın gedişi barədə məlumat alıb.
Generalların ziyarət etdiyi əməliyyat qərargahlarından birində heyətin lövhəyə vurduğu yazı Türkiyədə gündəm olub. Vərəqdə yazılan "Bu komanda bu oyunu udacaq” sözlərinin türk ordusunun yüksək mübarizə əzmindən xəbər verdiyi bildirilib.
Qeyd edək ki, əməliyyatda iştirak edən türk əsgərlərinin döyüş ruhunun yüksək tutulması üçün bombaların üzərinə şəhidlərin və məşhurların adlarını yazması ilə bağlı paylaşımlar Türkiyədə sosial şəbəkə istifadəçilərinin böyük rəğbətinə səbəb olub.
