Moskvada 6 reys təxirə salındı, 15-i gecikir
28.11.2018
Moskva aeroportlarında əlverişsiz hava şəraiti ilə əlaqədar 15-dən çox reys ləngiyir.
"Dövran Media" Trend-ə istinadən xəbər verir ki,, yerli vaxtla saat 07:50-ə "Domodedovo" hava limanında iki reys təxirə salınıb, 7-si gecikib, "Şeremetyevo"da isə 4 reys ləngiyib.
Bundan başqa, "Vnukovo" aeroportunda 4 reys ləğv olunub, 4-ü gecikib.
"Jukovski" hava limanından uçuşların cədvəlində dəyişikliklə bağlı məlumat verilmir.
Qeyd edək ki, qarlı hava şəraiti ilə əlaqədar səhər saatlarında Moskva yollarında tıxac 4 bala çatıb.
