Kiyevə dronlar və raketlərlə hücum: Ölənlər və yaralananlar var - FOTO/VİDEO
13.07.2023
Ötən gecə Rusiya Ukraynaya kamikadze dronları və raketləri ilə hücum edib.
Bu barədə Ukrayna Silahlı Qüvvələrinin Hərbi Hava Qüvvələrinin spikeri Yuri İqnat xəbər verib.
Onun sözlərinə görə, Krımdan "İskəndər-M” ballistik raket, Qara dənizdən iki "Kalibr”, şimal-şərq (Kursk) və cənub-şərq (Primorsk-Axtarsk) istiqamətlərindən İran istehsalı "Shahed-136/131”lər buraxılıb.
"Nəticədə uğurlu hava hücumundan müdafiə əməliyyatımız oldu, 20 "Shahed”, həmçinin iki "Kalibr” qanadlı raketi məhv edildi. "İsgəndər-M” operativ taktiki raket kompleksindən raket buraxılışının nəticələri ilə bağlı məlumatlar dəqiqləşdirilir”, - deyə o bildirib.
Qeyd olunur ki, Kiyevdə PUA-ların qalıqlarının düşməsi nəticəsində yaralananlar və ölənlər var.
Mənbə: Obozrevatel
