İkinci Qarabağ müharibəsində iştirakına görə “Jukov” medalı ilə mükafatlandırılıb
10.07.2023
II Qarabağ savaşında ermənilər üçün döyüşən ruslar - Foto
Rusiya mətbuatında ölkə hərbçilərinin Qarabağda Ermənistan tərəfindən Azərbaycana qarşı döyüşdüyünü əks edən materiallar dərc olunub. Onların hansı istiqamətdə vuruşduğu qeyd edilməsə də, Ermənistan tərəfində olduqları artıq faktdır.
Bunu Axar.az-a açıqlamasında siyasi şərhçi Turab Rzayev qeyd edib.
Siyasi şərhçi məsələ ilə bağlı faktları sadalayıb:
"Rusiyanın Saxa Respublikasının Mirnıy şəhərinin administrasiyası İqor Tajibayevin haqqında kitab nəşr dib. Kitabda onun 2022-ci ilin avqustunda könüllü şəkildə Ukraynada "xüsusi əməliyyata” qatıldığı, əvvəl isə Qarabağda döyüşdüyü bildirilib. Başqa bir fakt da var. Rusiyanın Perm diyarının "Ural” xəbər saytında Solikamsk şəhərindən Andrey Kovalyov İkinci Qarabağ müharibəsində iştirakına görə "Jukov” medalı ilə mükafatlandırılıb. Sözügedən medal isə Rusiya Federasiyasının dövlət maraqlarını qorumaq üçün hərbi əməliyyatlarda cəsarət, özünü təhlükəyə atmağa və şəxsi igidliyə görə verilir”.
