Almaniya NATO müttəfiqləri ilə birgə Baltikyanı ölkələrdə hərbi təlimlər keçirməyi planlaşdırır
16.06.2023
Almaniya hökuməti NATO müttəfiqləri ilə birgə Baltikyanı ölkələrdə hərbi təlimlər keçirməyi planlaşdırır.
"DM" xəbər verir ki, bu barədə Almaniya müdafiə naziri Boris Pistorius yerli "N-Tv” televiziya kanalına müsahibəsində bildirib.
Nazirin sözlərinə görə, tarix hələ müəyyən edilməyib.
Pistorius onu da qeyd edib ki, dünən Baltikyanı ölkələr, Böyük Britaniya və Kanadadan olan həmkarları ilə ("3+3" formatında) danışıqlar aparıb:
"Biz Baltikyanı regionda təhlükəsizlik məsələlərini müzakirə etdik və təlimlər keçirmək barədə razılıq əldə etdik”, - nazir bildirib.
"Təlimlərin gələn il və ya 2025-ci ilin əvvəlində baş tutacağı ilə bağlı məsələ yaxın zamanda məlum olacaq. Əsas diqqət qoşunların sürətlə yerləşdirilməsinə və birgə fəaliyyətin əlaqələndirilməsinə yönəldilməlidir”, - deyə nazir əlavə edib.