AYB-nin Qərbi Azərbaycan bölməsi yaradılıb, Musa Urud sədr seçilib
14.06.2023
Azərbaycan Yazıçılar Birliyinin (AYB) Qərbi Azərbaycan bölməsi yaradılıb.
Bu barədə Birliyin mətbuat xidmətinin rəhbəri Xəyal Rza məlumat verib.
Qərar iyunun 14-də, Azərbaycan Yazıçılar Birliyi katibliyinin növbəti toplantısı zamanı qəbul edilib. Gündəlikdəki məsələlərin müzakirəsi zamanı yeni bölmənin yaradılması təklifini Birliyin sədr müavini Rəşad Məcid səsləndirib. Təklif Azərbaycan Yazıçılar Birliyinin sədri, Xalq yazıçısı Anar tərəfindən müsbət qarşılanıb.
Ümumi müzakirədən sonra təklif səsə qoyulub və qəbul edilib. Qərara alınıb ki, yeni bölmənin sədri deputat, tanınmış şair Musa Urud (Quliyev) təyin edilsin. Sədr müavini isə tanınmış teleaparıcı, şair Bəhruz Niftəliyev təyin edilib.
