Yaponiya Rusiya və Çinin birgə hərbi hava təlimlərindən narahatlığını ifadə edib
07.06.2023
Yaponiya Rusiya və Çinin birgə hərbi hava təlimlərindən narahatlığını ifadə edib.
"DM" "Reuters"ə istinadən xəbər verir ki, bu barədə Yaponiya hökumətinin sözçüsü Hirokazu Matsuno bildirib.
Onun sözlərinə görə, Çin və Rusiyanın Yaponiya ətrafında birgə hava təlimləri bu ölkənin milli təhlükəsizliyi üçün "ciddi narahatlıq" yaradır.
Hirokazu Matsuno bildirib ki, Yaponiya bu gün də Çin və Rusiya bombardmançılarının birgə uçuşunu qeydə alıb.
İyunun 6-da da Çin və Rusiya Yapon dənizi və Şərqi Çin dənizi üzərində birgə hava patrulu həyata keçirib.
