İnterpolun yeni rəhbəri seçildi
21.11.2018
Koreyalı Kim Çon Yan İnterpolun yeni rəhbəri seçilib.
"Dövran Media" xəbər verir ki, bu barədə təşkilatın Tvitter səhifəsində məlumat verilib. Onun iki il müddətinə rəhbər seçildiyi bildirilib.
Qeyd edək ki, oktyabrın əvvəllərində Çinə səfəri zamanı yoxa çıxan İnterpol rəhbəri Men Xunveyin daha sonra həbs edildiyi məlum olmuşdu. O, korrupsiyada ittiham edilir. Bunun ardınca Xunvey vəzifəsindən istefa vermişdi.
İnterpol rəhbərliyinə seçki Dubayda keçirilib. Kim Çon Yan buna qədər İnterpolun prezidenti səlahiyyətlərini icra edirdi.
