Azıx mağarasında tədqiqat aparılması üçün İşçi qrup yaradılıb
23.05.2023
"Azıx mağarasında tədqiqat işlərinin aparılması üçün işçi qrup yaradılıb”.
Bunu Azərbaycan Milli Elmlər Akademiyasının Arxeologiya, Etnoqrafiya və Antropologiya İnstitutunun baş direktoru, professor Abbas Seyidov deyib.
O bildirib ki, artıq ekspedisiyanın tərkibi hazırdır və beynəlxalq ekspertlərlə də danışıqlar aparılıb:
"Müvafiq tapşırıq veriləndən sonra 15 gün müddətində ekspedisiya qrupu bir araya gələcək və Azıx mağarasında tədqiqatların aparılmasına başlanılacaq. Azıx mağarasından sadəcə nümunələr götürüləcək və onlar analiz ediləcək. Oradakı 10 təbəqənin yaşını müasir dövrün çağırışlarına uyğun şəkildə təqdim etmək lazımdır. Ona görə də ekspedisiya ora gedən zaman arxeoloji qazıntı aparmayacaq. Bundan başqa, Tağlar mağarasında da tədqiqatlar aparılacaq".
