Maya Sandu: Moldova tezliklə Aİ-yə daxil olmaq istəyir
18.05.2023
Moldova tezliklə Avropa İttifaqına daxil olmaq istəyir.
"DM" xəbər verir ki, bunu Moldova Prezidenti Maya Sandu AFP-yə müsahibəsində bildirib.
Moldova lideri ölkəsinin Aİ-yə üzvlüyünü realistik layihə adlandırıb:
"Moldova tezliklə Aİ-yə üzv olmaq istəyir və bu məsələ ilə bağlı danışıqların yaxın aylarda başlayacağına ümid edirik.
Biz inanırıq ki, demokratiyamızı yalnız Aİ-nin bir hissəsi olmaqla xilas edə bilərik.
Rusiya qarşıdakı illərdə qeyri-stabillik mənbəyi olaraq qalacaq və ölkəmiz özünü müdafiə etməlidir”, - Moldova lideri əlavə edib.
Xatırladaq ki, ötən ilin 23 iyun tarixində Brüsseldə keçirilən sammitdə Aİ-nin dövlət və hökumət başçıları Ukrayna və Moldovaya İttifaqa üzv olmaq üçün namizəd statusunun verilməsini təsdiqləyiblər.
Bu da öz növbəsində üzvlük statusunun alınmasının və Aİ-yə gedən yolun başlanğıcıdır.
