ABŞ-da meteorit yaşayış binasının üzərinə düşüb
09.05.2023
ABŞ-da meteorit yaşayış binasının üzərinə düşüb. Kosmosdan gələn daş binanın damını yarıb və yataq otaqlarından birinə düşüb. Bu barədə CBS məlumat yayıb .
"DM" "UNİAN"-a istinadən xəbər verir ki, hadisə Nyu-Cersi ştatının Hopewell şəhərində baş verib.
Səlahiyyətlilər meteoritin ölçüsünün təxminən 4 ilə 6 düym (10 ilə 15 santimetr - UNIAN) olduğunu söyləyib. Polisin sözlərinə görə, o, uzunsov formadadır və metala bənzəyir.
Hadisə zamanı otaqda heç kim olmayıb. Sonradan məlum olub ki, meteorit damdan keçərək döşəməyə çırpılıb, sıçrayıb və yenidən tavana çırpılıb. Evin xanımı onu otağın küncündə tapıb.
Devran Media
