ABŞ-da COVID-19-la bağlı fövqəladə vəziyyət rejimi ləğv edilib
11.04.2023
ABŞ-da COVID-19 pandemiyası səbəbilə üç ildir qüvvədə olan fövqəladə vəziyyət rejimi ləğv edilib.
"DM" xəbər verir ki, müvafiq qanun layihəsini ABŞ Prezidenti Co Bayden imzalayıb.
Ağ Evin saytında yerləşdirilmiş məlumatda qeyd edilib ki, Prezidentin imzaladığı qanunla COVID-19 pandemiyasına görə, elan edilmiş milli fövqəladə vəziyyət rejimi başa çatıb.
Qeyd edək ki, yeni növ koronavirus infeksiyasının yayılması ilə əlaqədar ABŞ-ın sabiq Prezidenti Donald Tramp 2020-ci ilin martında bütün ölkədə fövqəladə vəziyyət elan edilməsi ilə bağlı fərman vermişdi.
