Tokayev:İmzalanmış bütün sazişlər ardıcıl surətdə həyata keçirilir
10.04.2023
Qazaxıstan və Azərbaycan arasında imzalanmış bütün sazişlər ardıcıl surətdə həyata keçirilir.
"DM" Qazaxıstan Prezident Administrasiyasının mətbuat xidmətinə istinadən xəbər verir ki, bunu Qazaxıstan Respublikasının Prezidenti Kasım-Jomart Tokayev aprelin 10-da Azərbaycan Respublikasının Prezidenti İlham Əliyevlə birgə təşkil olunmuş mətbuat konfransında çıxışı zamanı deyib.
"Biz yarım ildən artıq müddət öncə "Strateji tərəfdaşlığın dərinləşdirilməsi və müttəfiqlik əlaqələrinin genişləndirilməsi haqqında” Bəyannamə, "Əməkdaşlığın inkişafına dair 2022-2026-cı illər üçün Kompleks Proqram” və bir sıra digər sənədlər imzaladıq”, - Qazaxıstan lideri qeyd edib.
