Kreml Pentaqonun məxfi sənədlərinin "sızması"na münasibət bildirib
10.04.2023
Pentaqonun məxfi sənədlərinin "sızması" kifayət qədər maraqlıdır, onların hamısı öyrənilir və təhlil edilir.
"DM" xəbər verir ki, bunu Rusiya Federasiyası Prezidentinin mətbuat katibi Dmitri Peskov bildirib.
Onun sözlərinə görə, sızdırılan məlumatlar kifayət qədər maraqlıdır, onların hamısı öyrənilir, təhlil edilir, geniş müzakirə olunur.
Bu "sızmalarda” Rusiyanın əli olması ilə bağlı iddiaları şərh edən Kremlin sözçüsü deyib ki, hər şeydə Rusiyanı günahlandırmaq meyli ümumi xəstəlikdir.
"Xeyr, mən bunu heç bir şəkildə şərh edə bilmərəm, bilirik ki, bu, əslində, Rusiyanı hər şeydə və həmişə və hər yerdə günahlandırmaq və hər şeyi Rusiyanın üzərinə atmaq meylidir və ümumi bir xəstəlikdir. Ona görə də indi şərh edəcək heç nə yoxdur”, - deyə Peskov vurğulayıb.
