Mühəndis qoşunlarının minalardan təmizlədiyi ərazilərin sahəsi açıqlanıb
06.04.2023
"Bu günə kimi mühəndis qoşunlarının hissə və bölmələri tərəfindən işğaldan azad olunmuş ərazilərdə 29 min hektardan çox ərazi mina və partlamamış sursatlardan təmizlənib".
Bunu Azərbaycan Müdafiə Nazirliyinin Minalara mübarizə şöbəsinin rəisi Vüqar Əzizov deyib.
Onun sözlərinə görə, hazırda Cəbrayılda mühəndis qoşunlarına aid Türkiyədən alınan MEMATT adlı minatəmizləyən texnikası, eləcə də ANAMA-nın şəxsi heyəti ilə birgə intensiv iş aparılır:
"Ümumilikdə minatəmizləmə zamanı 23 min 230 ədəd mina və partlamamış hərbi sursat aşkar edilərək məhv edilib. Hələ ki tək Cəbrayılda 2 ədəd MEMATT adlı minatəmizləyən texnikası işləyir. Lakin gələcəkdə onların sayının artırılacağı istisna deyil. Minatəmizləmə texnikasının istifadə olunması ərazinin çirklənmə və relyefinə uyğun olaraq aparılır".
