Nazir müşaviri: Azərbaycan Avropa Komissiyası ilə bu planı müzakirə edir
29.03.2023
Azərbaycan Avropa Komissiyası ilə iqtisadi və investisiya planını müzakirə edir.
"DM" xəbər verir ki, bunu Azərbaycan Çevik Texniki Yardım Alətinin icrası (AZTAF) ilə bağlı keçirilən tədbirdə İqtisadiyyat nazirinin müşaviri Əsgər Ələkbərov deyib.
O bildirib ki, plan çərçivəsində həyata keçiriləcək "Flagship" təşəbbüsü ilə bağlı layihələr, onların istiqamətləri, prioritet sahələr müəyyən edilir.
Nazir müşaviri həmçinin, Dünya Bankı ilə bir neçə illik strategiyanın müzakirəsinə başladığını və prioritet sahələrin müəyyən edildiyini açıqlayıb.
"AZTAF çərçivəsində həyata keçirilən layihələr Dünya Bankı ilə əməkdaşlığın növbəti mərhələsi üçün nümunə ola bilər" - Əsgər Ələkbərov əlavə edib.
