Senatorlardan Ostinə məktub: Ukraynaya F-16 verin!
15.03.2023
ABŞ-ın Demokratlar və Respublikaçılar partiyalarından olan senatorlar qrupu Ukraynaya F-16 qırıcılarının verilməsini istəyir.
"DM" xəbər verir ki, bununula bağlı parlamentarilər Pentaqon şefi Lloyd Ostinə məktub ünvanlayıblar.
Məktub müəlliflərinin fikrincə, bu yardım Ukrayna Silahlı Qüvvələrinə döyüş meydanında üstünlük verəcək:
"Hesab edirik ki, ABŞ Ukraynanı F-16-larla təmin etməyi ciddi şəkildə düşünməlidir. Bu, döyüş meydanında oyun qaydalarını dəyişdirə biləcək əhəmiyyətli bir fürsət olardı”.
Məktubda Ostindən bu həftənin sonuna qədər cavab verməsi istənilib.
