Kreml uğursuzluğa görə Yevgeni Priqojini günahlandırır
13.03.2023
Kreml uğursuzluqlarda "Vaqner”in rəhbəri Yevgeni Priqojini günahlandırır.
Bu barədə ABŞ-ın Müharibənin Öyrənilməsi İnstitutu məlumat yayıb.
"Rusiya Müdafiə Nazirliyi ilə "Vaqner” rəhbəri Priqojin arasında münaqişə Baxmut döyüşü fonunda çox güman ki, kulminasiya nöqtəsinə çatıb. Müdafiə naziri Sergey Şoyqu və Rusiya Baş Qərargah rəisi general Valeri Gerasimov Priqojini zəiflətmək, ambisiyalarını sarsıtmaq üçün qəsdən həm elit, həm də "Vaqner” qüvvələrini Baxmut döyüşlərində istifadə etdilər. Onlar döyüşçülərin məğlubiyyətindən istifadə edib Priqojinə qarşı Kremlə daha çox təsir göstərirlər”, - məlumatda deyilir.
Qeyd olunur ki, Putin Rusiyanın hərbi uğursuzluqlarını üzərinə götürəcək bir qrup günah keçisi axtarır:
"Ona görə də "Vaqner”in ağır itkiləri, mənfi əhval-ruhiyyə və müharibə cinayətləri ilə bağlı xəbərlərdən istifadə etməklə, Rusiya ordusundakı ən pis problemlərdən diqqəti yayındırırlar. Priqojin Putinin 2022-ci ilin may-oktyabr ayları arasında qazandığı rəğbətini geri qaytara bilməyəcək. Priqojinin iflası çox güman ki, Kadırov kimiləri onun taleyindən yayınmaq üçün ambisiyalarını azaltmağa yönəldəcək”.
