Egils Levits: Ukrayna həm Aİ-nin, həm də NATO-nun üzvü ola bilər
09.03.2023
Ukrayna həm Avropa İttifaqının, həm də NATO-nun üzvü ola bilər.
"DM" xəbər verir ki, bunu Bakıda səfərdə olan Latviya Prezidenti Egils Levits APA-nın sualına cavab olaraq deyib.
"NATO üçün ilk vəzifə hazırda Ukraynaya dəstək verməkdir. Ukraynaya hərbi dəstək verilməlidir ki, bu ölkə Rusiyanın hücumlarına cavab verə bilsin. Aİ-yə üzvlük məsələsinə gəlincə, biz Latviya olaraq Ukraynanın ittifaqa üzvlüyünü hər zaman təşviq etmiş və dəstəkləmişik. Həmçinin Moldovanın da üzvlüyünü dəstəkləmişik. Latviya ilk ölkələrdəndir ki, elə ilk vaxtlardan açıq şəkildə bəyan edib ki, Ukrayna Aİ-nin üzvü olmalıdır. Biz hazırda Avropa Komissiyasının Ukrayna ilə bağlı hesabatını gözləyirik ki, müsbət irəliləyişlərdən sonra biz Ukrayna ilə danışıqlara başlayaq”, - o qeyd edib.
