Türkiyənin zəlzələ bölgəsində 309 min mənzilin inşası planlaşdırılır
27.02.2023
Zəlzələ bölgəsində tikinti prosesi zamanı hündürmərtəbəli binaların inşasına və sıxlığa yol verilməyəcək.
"DM" xəbər verir ki, bunu Türkiyə Prezidenti Rəcəb Tayyib Ərdoğan Adıyamandakı brifinqi zamanı deyib.
"Zəlzələ bölgəsində 309 min mənzilin inşası planlaşdırılır. Mart və aprel aylarında söz verdiyimiz mənzillərdən 234 mininin tikintisinə başlanılacaq. Mart ayında Adıyamanda tikintisinə başlanılan mənzil sayı 30 min olaraq nəzərdə tutulub. Artıq inşasına başlanılan mənzil sayı isə 14 500-ə çatıb”, – Türkiyə Prezidenti qeyd edib.
Türkiyə dövlət başçısı zəlzələ bölgəsində 185 345 binanın ya tamamilə uçduğunu, ya da ciddi zərər gördüyünü qeyd edib.
